Portionen: ½× 1× 1½× 2× 3× 4× 5× 6× 7× 8×

Es Hendlfleisch in feine Streifn schneidn.
De Reisnudln im lauwoamen Wossa ca. 10 Minutn eiwaakn.
Daun in 10 cm launge Stickln schneidn und in an Seichal ootropfn lossn.
De Knofezechn schöön, mid an braadn Messa flochdruckn und in klaane Wiafen schneidn.
Erhitz des Öö jetzand in aana klaanan Pfaunn und brod den Knofe goidgööb oo.
Den Eissolod zapflickn, woschn, ootropfn lossn und in so klaane Stickln schneidn, dassd de Pappn ned ois wia aufreissn muaast.
Wosch jetzand de Söllariestaungan und putz se.
De Staungan und de Bladdln separat klaa schneidn.
De Koriandazweigln woschn, trockntupfn, de Bladdln oozupfn und fein hockn.
De Reisnudln kuaz in kochends Wossa tauchn und in an Seichal ootropfn lossn.
De Hendlsuppm erhitzn.
Essich, Zucka, Fischsoß, Sojasoß, Sternanis, eiglegta Rettich und de klaagschnidane Söllariestaungan dazuagem.
Kuaz aufkochn lossn.
Gib jetzand des Hendlfleisch dazua und nimm den Toopf vo da Headplottn.
Loß as 2-3 Minutn duachziagn.
De Reisnudln mim Eissolod, Korianda, Frühlingszwiefen, Söllariebladdln und Sojabohnensprossen in Suppmschoin aurichtn und mid da haaßn Hendlsuppm iwagiaßn.
Mid an dünsteten Knofe und Pfeffa ooschmeckn.

Tip: In Thailand gibt’s 2 Koriandagruppn. Den feinbladdrign (wie unsa Bedasüü) und den `Pakchi Farang´,der hod länglich, spitz zulaufende Bladdln, am Randl leicht zackig.
In Asiengschäftn haaßt a aa `Europagras´.
Vuasicht beim Eikauf: Kaane gööbn Bladdln nehman! (Hom ka Aroma meah! Liegn scho z´laung!)

De Fischsoß moch sööba aus fermentierten Anchovis, Wossa und Soiz.