Portionen: ½× 1× 1½× 2× 3× 4× 5× 6× 7× 8×

Es kuchlfertiche Suppmhendl bedeckst amoi knopp mid Wossa.
Daun haust eine: in gschöödn Zwiefe, es Lorbeeabladdl, de Nöökn, de klaagschniddane Söllarie, in Lauch, de hoibatn Karottn, es Soiz und den Pfeffa.
Waunst des ois jetzand drinnad host, losst es Hendl zuadeckt im Toopf aanathoib (1 ½) Stund kechln.
Daun seichst de Hendlsuppm oo, hebst da owa de Karotten- und Lauchstickln auf.
Gib de Haud owe vom Hendl und les es Fleisch aussa.
Schneid des Fleisch in Stickln und decks mid aana Folie oo.
Jetzand erhitz de Fettn, gibs Mööh dazu, loss höö´ auschwitzen.
Des is a Eibrenn.
Tuas ooleschn mid Weisswei und da oogseichtn Suppm.
Daun loss es aufkochn, und ca. 10 Minutn kechln.
Jetzand host a Soß beinaund, waunst ollas richtig gmocht host.
Schmeck de Soß oo mit Soiz, Pfeffa, Zitraunansoft und Zucka.
Hau eine de narrischn Schwomma, desd hoffantlich vuahea scho klaa gschniddn host, so bläddrich oda so.
Dazua gibst de Sparglstickln und des Hendlfleisch.
Des losst jetzand a poa Minutn kechln.
De Gogal-Gööb varriahst mim Schlog, daun riahst as unter de Soß, und gibst de Lauch- und Karottnstickln dazua.
In Bedasüü straast afoch driwa.

Ois Beilog mochst an grean Solod mid Reis (Risi-Bisi), oda Nudln.

Tip: Waunst as a weng saura hom wüüst de Gschicht, daun riahst
afoch unta de Soß no a bissl an Sauarahm!